فەرمانگەی تەندروستیی موسەننا بڵاویكردووەتەوە، ژمارەی تووشبوون و گیانلەدەستدان بە تای خوێنبەربوون گەیشتووەتە شەش حاڵەت و هۆشداری لەبارەی بڵاوبوونەوەی زیاتری تای خوێنبەربوونەوە دەدرێت.
سەرچاوەیەك لە فەرمانگەی تەندروستیی موسەننا بە میدیاكانی عێراقی ڕاگەیاندووە، حاڵەتەكانی تووشبوون بە تای خوێنبەربوون گەیشتووەتە 6 حاڵەت كە سێ لە تووشبووان گیانیان لەدەستداوە و دوو لە تووشبووەكان چاكبوونەتەوە و ئەوەی دیكەیان لە ئێستادا لە ژێر چارەسەری پزیشكیدایە.
ئاماژە بەوە كراوە، یەكێك لەو تووشبووانەی گیانیلەدەستدا سەربازبووە لە سوپای عێراق و هۆشداری لە زیاتر بڵاوبوونەوەی تای خوێنبەربوون لەو پارێزگایە دەدرێت.
