بۆ جاری چوارەم عێراق بەشەخۆراك بەسەر هاوڵاتییاندا دابەشدەكات و خواردەمەنیی گەیشتووەتە كۆگاكان.
وەزارەتی بازرگانیی عێراق ئەمڕۆ پێنجشەممە ڕایگەیاند، دەستكراوە بە گەیاندنی پێكهاتەكانی بەشەخۆراك بە كۆگاكان لە بەغداد و پارێزگاكانی تر.
بەپێی ڕاگەیەندراوی وەزارەتی بازرگانیی عێراق، ئەو بەشەخۆراكەی دابەشدەكرێت چوارەمین سەبەتەی خۆراكییە لەمساڵدا دابەشدەكرێت و بەمنزیكانە داوا لە بریكارەكانی خۆراك دەكرێت بەشەخۆراكی هاوڵاتییان وەربگرن و بەسەریاندا دابەشیانبكەن.
پێشتر و لە مانگی ڕەمەزاندا وەزارەتی بازرگانیی عێراق دوو بەشەخۆراكی بەسەر هاوڵاتییاندا دابەشكردبوو.
