گرتە ڤیدیۆیەک لە تۆڕە کۆمەڵایەتییەکان لەلایەن هاوڵاتییانی شەنگەهایی چینەوە بڵاودەکرێتەوە، کە تێیدا دەردەکەوێت تیمی بەخاکسپاردنی تووشبووانی کۆرۆنا لەکاتی ئامادەکاری بۆ بەخاکسپاردنی تووشبوویەک بۆیاندەردەکەوێت زیندووە و بەهەڵە کراوەتە کیسەکەوە.
بەپێی ڤیدیۆکە ژمارەیەک لە ئەندامانی تیمی بەخاکسپاردنی تووشبووانی کۆرۆنا دوای ئەوەی دەیانەوێت جەستەیەک بەخاکبسپێرن کە ئامادەکراوە لەناو کیسێکی تایبەت بۆ ئەوانەی بە کۆرۆنا گیانلەدەستدەدەن و مۆری گیانلەدەستدانی لەلایەن تەندروستیی شەنگەهایەوە لێدراوە، دەبینن هێشتا جەستەکە دەجوڵێت و گوێیان لە دەنگی دەبێت.
لە ڤیدیۆکەدا دەنگی یەکێک ئەندامانی تیمەکە دێت کە بە هاوڕێکەی دەڵێت، “دەبینیت؟ ئەو هێشتا لەژیاندایە، کیسەکە دامەخەرەوە”.
This is the video everyone's talking about today, showing how a Shanghai nursing home resident is taken away to the morgue in a body bag. At around 38 sec in the video, the staff member backs away and says: "He's alive. He's alive, I saw it. Don't cover him anymore." pic.twitter.com/Y3HzRRpxUl
— Manya Koetse (@manyapan) May 2, 2022
ئەو کەسەی گرتە ڤیدیۆییەکەی تۆمارکردووە دەڵێت، “چۆن دەکرێت ئەوە ڕووبدات؟! ئەو کەسەیان لەناو کیسی تایبەت بە مردووان و بە خاکسپاردندا داناوە بەڵام ئەو زیندووە، ئەوە کارێکی نابەرپرسیارانەیە”.
ئەو گرتە ڤیدیۆیە توڕەیی و ناڕەزاییەکی زۆری لەناو دانیشتووانی شەنگەهایدا دروستکردووە کە ئێستا بەڕێژەیەکی بەربڵاو کۆرۆنای تێدا بڵاوبووەتەوە بەجۆرێک لەسەرەتای پەتاکەوە تائێستا بەوجۆرە نەبووە، ڤیدیۆکە زیاتر لە سێ ملیۆن بینەری لە تۆڕی “ویبۆ”ی چینی تۆمارکردووە.
