ژنێك كە منداڵەكەی كەوتووەتە ئاوەكەوە و ویستوویەتی ڕزگاریبكات، لە ئاوی زێی بچووكدا لە قەزای دوكان خنكا.
ڕووداوەكە دوانیوەڕۆی ئەمڕۆ چوارشەممە ڕوویدا و ژنەكە تەمەنی 40 ساڵە، ناوی فاتمە جاسمە و بەڕەگەز عەرەبە.
سامان نادر بەڕێوەبەری سەنتەری فریاگوزاریی خێرا، هەواڵەكەی بۆ تۆڕی میدیایی ئێستا پشتڕاستكردەوە و ڕاگەیاند، یەكێك لە منداڵەكانی ژنەكە كەوتووەتە نێو ئاوی زێی بچووكەوە و دایكەكە ویستوویەتی منداڵەكەی ڕزگاربكات، بەڵام لە ئەنجامدا خۆی خنكاوە و منداڵەكەی ڕزگاركراوە.
وتیشی، ئەو خێزانە بۆ گەشتكردن ڕوویان لە دوكان كردووە و كەمێكی دیكە تەرمی ژنەكە دەگاتە پزیشكیی دادیی سلێمانی.
