ڕاپۆرتە پزیشکییەکان دەریان خستووە، داڤید ئالابای بەرگریکاری نەمسایی ناتوانێت لە ڕووبەڕووبوونەوەی مانچستەر سیتی-دا بەشداریی بکات.
بەپێی زانیارییەکانی ئاژانسی (ئی ئێف ئی) ئیسپانی، دۆخی جەستەیی ئالابا خراپ نییە و پێکانە ماسولکەییەکەی تێپەڕاندووە، بەڵام ئەمڕۆ نەیتوانیوە بەشداریی یەکەی مەشق و ڕاهێنانەکانی یانەی شاهانە بکات، ئەوەش دەریدەخات کە توانا جەستەیییەکانی ڕێگەی پێنادەن بەرامبەر سیتی بەشداری بکات.
گاریس بەیل و ئیدین هازارد بە هەمان شێوە بەهۆی پێکانەوە بەشداری ناکەن، لە بەرامبەردا لوکا یوڤیچ قۆناغی چارەسەر بوونی تێپەڕاندووە و دەتوانێت لەو یارییەدا بەشداری بکات.
بڕیارە سبەی شەو (چوارشەممە)، لە یاریگای سانتیاگۆ بێرنابیۆ یانەی شاهانە لە چێوەی یارییەکانی گەڕانەوەی قۆناغی نیوەی کۆتایی چامپیۆنزلیگ میوانداریی یانەی مانچستەر سیتی بکات.
