بەرگریی شارستانیی هەولێر كۆنتڕۆڵكردنی ئاگری پاڵاوگەكەی رێگای هەولێر-گوێر رادەگەیەنێت.
شاخەوان سەعید، وتەبێژی بەرگریی شارستانیی هەولێر لە کۆنفرانسێکی رۆژنامەوانیدا رایگەیاند، بە کەمتر لە 20 کاتژمێر توانیمان ئاگرەکە کۆنتڕۆڵبکەین.
وتیشی، “بەهۆی رووداوەکەوە چوار کارمەندی بەرگریی شارستانی سووتان و 10 کارمەندی دیکەش دووچاری تەنگەنەفەسی بوون”.
پەیوەست بە زیانە ماددیەکانیش شاخەوان سەعید باسی لەوەكرد، چوار ئۆتۆمبێلی بەرگریی شارستانی سووتان، لیژنەیەکیان بۆ لێکۆڵینەوە لە زیانە ماددیەکانی پاڵاوگەکە پێکهێناوە و چاوەڕوانی راپۆرتی ئەو لیژنەیە دەکەن.
بە وتەی وتەبێژی بەرگریی شارستانیی هەولێر، پاڵاوگەکە هیچ مەرجێکی ژینگەیی تێدانییە.
