ئەمڕۆ ئەنجومەنی سەرکردایەتیی یەکێتی کۆدەبێتەوە

ئەنجومەنی سەرکردایەتیی یەکێتیی نیشتمانی کوردستان، پاشنیوەڕۆی ئەمڕۆ شەممە 21ی تشرینی دووەم ، کۆدەبێتەوە و یەکێک لە تەوەرەکان دۆخی ئێستای موچەخۆران و پەیوەندییەکانی نێوان هەرێم و بەغداد دەبێت.

لە لێدوانێکدا بۆ تۆڕی میدیایی ئێستا، ئارێز عەبدوڵا، ئەندامی ئەنجومەنی سەرکردایەتیی یەکێتی وتی، “کۆبوونەوەکە بەشێوەیەکی ئاسایی تایبەتە بە ئەنجومەنی سەرکردایەتی و چەند پرسێکی ناوخۆی حزب و دۆخی هەرێمی کوردستان و عێراقیش گفتوگۆیان لەبارەوە دەکرێت”.

سەبارەت بە کارنامەی کۆبوونەوەکە ئارێز عەبدوڵا ئاماژەی بەوەکرد کە لە کۆبوونەوەکەدا هەندێک پرسی ناوخۆیی تاوتوێدەکرێت، هەروەها دۆخی ئێستای هەرێمی کوردستان و موچەخۆران و پەیوەندییەکانی نێوان هەرێم و بەغداد گفتوگۆیان لەبارەوە دەکرێت.

ئەو ئەندامەی ئەنجومەنی سەرکردایەتی وتیشی، “ئەگەری هەیە هەر لە کۆبوونەوەی ئەمڕۆدا کاک لاهور شێخ جەنگی، هاوسەرۆکی یەکێتی باسی سەردانەکەی بۆ بەغداد و هۆکار و وردەکارییەکانی ئەو سەردانە بکات و گفتوگۆی لەبارەوە بکرێت”.

پێشتر ئەنجومەنی سەرکردایەتیی یەکێتی، لەبارەی کۆبوونەوەی سێ سەرۆکایەتییەکەی هەرێمی کوردستان کۆبوونەوە و لە ڕاگەیەنراوێکدا داوایکرد کە کۆبوونەوەی سێ سەرۆکایەتییەکە لەگەڵ نوێنەرانی کورد لە بەغداد دوابخرێت.

بابەتی پێشتر

نرخی دۆلار دابەزی

بابەتی دواتر

به‌ ژماره‌.. مێسی به‌ ئه‌نجام و به‌ گۆڵ خه‌ونی ڕه‌شی ئه‌تله‌تیکۆ مه‌دریده‌

بابەتی پەیوەندیدار
زیاتر ببینە

لە ڕووداوێکی هاتوچۆدا لە تونێلی دەربەندیخان كەسێك گیانیلەدەستدا و سیانی دیكە برینداربوون

لەبەردەم تونێلی دەربەندیخان ڕووداوێکی هاتوچۆ ڕوویدا و بەهۆیەوە كەسێك گیانیلەدەستدا و سیانی دیكە برینداربوون. لە ڕاگەیەندراوێکدا بەڕێوەبەرایەتیی هاتوچۆی…
Total
1
Share