حكومەت سزایەكی سەر هاوڵاتییانی كەمكردەوە

بە بڕیاری وەزارەتی شارەوانی سزای نەبەستنی پێوەری زیرەكی ئاو كەمكرایەوە.

ساسان عەونی وەزیری شارەوانی و گەشتوگوزاری هەرێم ئەمڕۆ لە كۆنگرەیەكی ڕۆژنامەنوسیدا ڕایگەیاند، ئەو هاوبەشانەی لە دەرەوەی شارەكانن و پێوەریان نەبەستوە، نرخی كرێی ئاو لە 80 هەزارەوە بۆ 10 هەزار دینار بە ڕێژەی 90% داشكاندنیان بۆ دەكەن و ئەوانەی ناو شارەكانیش لە 80 هەزارەوە بۆ 20 هەزار دینار كەمدەكرێتەوە. بۆ شوێنە بازرگانییەكان، كاسبكاران و پیشەوەران كەمكردنەوەی كرێی ئاو لە 200 هەزار دینارەوە بە ڕێژەی 40% دەبێت.

داواشی لە هاوڵاتییان كرد بەخێرایی پێوەرەكانیان ببەستن بۆ ئەوەی لەم بڕیارەی كابینەی نۆیەمی حكومەت سوودمەندبن.

ساسان عەونی ڕوونیشیكردەوە، زیاتر لە 300 هەزار هاوبەشی ئاو تاوەكوو ئێستا پێوەریان نەبەستوە و كرێی ئاویان بە 80 هەزار دینار بۆ هەر مانگێك بۆ هەژماردەكرا.