كۆمپانیای فایزەر هەزاران حەبی تایبەت بە بەرزەفشاری خوێنی كشاندەوە و دەڵێت، “ماددەی كیمیاییان تیادان و شێرپەنجاوین”.
توێژینەوەكان ئاشكرایانكردووە كە دەرمانێكی تایبەت بە ڕاگرتنی بەرزەفشاری خوێن كە دروستكراوی كۆمپانیای فایزەری ئەمریكییە، ڕێژەیەكی بەرزی نیترۆسامین لەخۆدەگرێت كە هۆكاری تووشبوونە بە شێرپەنجە.
زانیارییەكە ڕۆژنامەی دەیلی مەیڵ بڵاویكردووەتەوە و دەڵێت، كۆمپانیای فایزەری ئەمریكی پێنج بڕ لەو دەرمانەی كشاندووەتەوە كە هەریەكێكیان لە 90 شووشەی حەب پێكدێت.
فایزەر داوا لەو پزیشك و دەرمانسازانە دەكات كە مامەڵەیان لەگەڵ ئەو جۆرە دەرمانەدا كردووە و بۆ نەخۆشیان نووسیوە، دەستبەجێ پەیوەندی پێوەبكەن و دەڵێت، ئەو حەبانە لە ماوەی نێوان كۆتایی 2019 و نیسانی 2022دا لە ئەمریكا و پورتۆریكۆ دابەشكراون.
لە كەنەداش كۆمپانیا ئەمریكییەكە بڕێكی هاوشێوە لەو دەرمانەی كشاندووەتەوە بەبێ ئەوەی ڕوونكردنەوەی زیاتر لەبارەی ماوەی بڵاوبوونەوەی ئەو حەبانە لە كەنەدا خرابێتەڕوو.
