دوای ئەوەی دەنگۆی ئەوە بڵاوكرایەوە كە باوك و كچێكی عومرەكاری كورد لە ڕووداوێكی هاتوچۆدا گیانیان لەدەستداوە، بەرپرسێكی ئەوقاف ڕەتیدەكاتەوە و بە ناڕاست ناویدەبات.
نیاز نەقشبەندی، بەڕێوەبەری حەج و عومرەی هەرێمی كوردستان بە تۆڕی میدیایی ئێستای ڕاگەیاند، ئەو باوك و كچەی وێنەیان بڵاوكرایەوە كە گوایە كوردن و لە ڕووداوێكی هاتوچۆ لە سعودیە گیانیان لەدەستداوە ڕاست نییە، لە ڕووداوەكەدا هیچ عومرەكارێكی كورد بوونی نییە.
وتیشی، “تائێستا هیچ عومرەكارێكی كورد گیانیلەدەستنەداوە”.
لێدوانی ئەو بەرپرسەی ئەوقاف لەكاتێكدایە بەرەبەیانی ئەمڕۆ وا بڵاوكرایەوە كە لە کاتی گەڕانەوەیان لە عەمرە دوو عەمرەكاری كورد بەناوی (حاجی کەمال و سازگاری کچی) پاسەکەیان تووشی ڕووداوی هاتوچۆ بووە و گیانیان لەدەستداوە.
