بەڕێوەبەرایەتیی تەندروستیی دەربەندیخان بڵاویكردووەتەوە، ئێوارەی ئەمڕۆ لەسەر ڕێگای گشتیی دەربەندیخان-كەلار لە ڕووداوێكی هاتوچۆدا شەش كەس برینداربوون.
بەپێی ڕاگەیەندراوێكی بەڕێوەبەرایەتیی تەندروستیی دەربەندیخان تێیدا هاتووە، كاتژمێر 8:30 خولەكی ئەمشەو لە ئەنجامی پێكدادانی دوو ئۆتۆمبیل لەسەر ڕێگای گشتیی دەربەندیخان-كەلار نزیك پردی قەترە شەش هاوڵاتیی برینداربوون.
ئاماژە بەوە كراوە، سەنتەری فریاكەوتنی خێرا گەیشووتەنە شوێنی ڕووداوەكە و سەرجەم بریندارەكان گوازراونەتەوە بۆ بەشی فریاكەوتنی نەخۆشخانەی گشتیی شەهید تۆفیق و چارەسەری پێویستیان بۆ كراوە.
