ئەمڕۆ لە هەولێر تەرمی ژنێک بە “سەربڕدراوی” گەیەنرایە نەخۆشخانەی فریاکەوتنی ڕۆژئاوا.
دکتۆر کاروان بەڕێوەبەری نەخۆشخانەی فریاکەوتنی ڕۆژئاوا لە هەولێر، بە تۆڕی میدیایی ئێستای ڕاگەیاند، “کاتژمێرێک بەر لە ئێستا ژنێک هێنرایە نەخۆشخانەی فریاکەوتنی ڕۆژئاوا، کە چەقۆ لە ملی درابوو، بەڵام سەری بە تەواوەتی لە جەستەی نەبووبووەوە”.
دەگوترێت ئەم ژنە، “لەلایەن مێردەکەیەوە” ئەم کارەی لەگەڵدا کراوە و لە ئێستادا تەرمەکە ڕادەستی پزیشکی دادوەریی هەولێر کراوە.
بەپێی ئەو زانیارییانەی بەدەست تۆڕی میدیایی ئێستا گەیشتوون، ژنەکە تەمەنی لە نێوان 30 بۆ 35 ساڵدایە و خاوەنی چوار منداڵە.
