كۆمپانیای دی ئێن ئۆی نەرویجی ڕایگەیاند، 206.6 ملیۆن دۆلار پارەی فرۆشی نەوتی لە حكومەتی هەرێمی كوردستان وەرگرتووە.
بەپێی ڕاپۆرتی كۆمپانیاكە، دی ئێن ئۆ 160.7 ملیۆن دۆلاری لە حكومەتی هەرێمی كوردستان وەرگرتووە كە پشكی كۆمپانیاكانی نەوتە لە نەوتی فرۆشراوی هەرێمی كوردستان بۆ هەردوو مانگی تشرینی یەكەم و تشرینی دووەمی ساڵی ڕابردوو.
دی ئێن ئۆ ئاشكرایكرد، 13.8 ملیۆن دۆلاری تری وەرگرتووە كە داهاتی كێڵگەی نەوتی تاوكێ بووە بۆ هەردوو مانگی تشرینی یەكەم و دووەمی ساڵی 2021، لەگەڵ 32.1 ملیۆن دۆلاری تر كە پارەی كەڵەكەبووی كۆمپانیاكە بووە لەسەر حكومەتی هەرێم و لە ساڵانی 2019 و 2020ـەوە نەدرابوون.
ڕاپۆرتەكەی (DNO) دەڵێت، كۆمپانیاكە 12.6 ملیۆن دۆلاری وەك باج داوە بە حكومەتی نەرویج ئەوەش كەمتربووە لەو باجەی چاوەڕواندەكرا بیدات.
