پەرلەمانتارێك وادەی دانیشتنی داهاتووی ئەنجومەنی نوێنەران و گرنگترین كارەكانی ئاشكرادەكات.
یاسر ئەسكەندەر وتوت، ئەندامی ئەنجومەنی نوێنەرانی عێراق لە لێدوانێكی ڕۆژنامەوانیدا ڕایگەیاند، لە مانگی ڕەمەزاندا هیچ دانیشتنێكی ئەنجومەن گرێنادرێت، پاش جەژن دانیشتن دەكرێت و تیایدا پڕۆژەیاسای ئاسایشی خۆراك دەخرێتەڕوو.
وتیشی، “یاسای ئاسایشی خۆراك گرنگە و پێویستە لە قۆناغی داهاتوودا تێبپەڕێنرێت، دواتر ئەنجومەن هەنگاو بۆ دروستكردنی لیژنەكان و دیاریكردنی ئەندامەكانی دەنێت بەپێی شارەزایی و كاری پەرلەمانتاران”.
بەهۆی ئەو ناكۆكییانەی تائێستا لەنێوان لایەنە سەرەكییەكاندا هەیە، ئاسۆی دانیشتنی تایبەت بە هەڵبژاردنی سەرۆك كۆمار و هەنگاونان بۆ پێكهێنانی كابینەی نوێی حكومەت لە عێراق نادیارە.
