بەڕێوەبەری خانەنشینیی پێشمەرگە لە سلێمانی ڕایدەگەیەنێت، بۆ مووچەی ئەم مانگە گۆڕانكاری لە شێوازی دابەشكردنی مووچەی خانەنشینان كراوە و دەڵێت، “مووچەی خانەنشینيی شارستانی پێشخراوە و لە سبەینێوە دەستبەدابەشكردنی دەكرێت.
عەزیز عەلی فەتاح، بەڕێوەبەری خانەنشینیی پێشمەرگە لە سلێمانی لەلێدوانێكدا بە تۆڕی میدیایی ئێستای ڕایگەیاند، بۆ مووچەی مانگی سێ گۆڕانكاری لە مووچەی خانەنشینان كراوە و مووچەی خانەنشینیی شارستانی پێشخراوە و لە سبەینێوە دەستبەدابەشكردنی دەكرێت بۆ ماوەی سێ ڕۆژ.
بەڕێوەبەری خانەنشینیی پێشمەرگە وتی، ” 26ی ئەم مانگە مووچەی خانەنشینیی سەربازی دابەشدەكرێت بۆ مووچەی خانەنشینيی شارستانيی سێ ڕۆژ و دابەشكردنی مووچەی خانەنشینیی سەربازيی سێ ڕۆژ بە جیا دانراون”.
بەڕێوەبەری خانەنشینیی پێشمەرگە پێیوایە، ” ئەگەر لە بانكەكاندا پارەی پێویست هەبێت مووچەی خانەنشینیی پێش جەژن دابەشدەكرێت و ناكەوێتە دوای جەژن”.
ئاشكرایكرد، پێشنیازی زیادكردنی كردنەوەی چەند لقێكی نوێی بانكی بۆ مووچەی خانەنشینان كراوە و تا ئێستا جێبەجێنەكراوە.
