بومەلەرزەیەكی بەهێز چەند ناوچەیەكی لە باكووری كوردستان گرتەوە و دەستەی ئیدارەی كارەسات و فریاگوزاری توركیاش ڕایدەگەیەنێت، هیچ زیانێكی گیانی و ماددی ئەوتۆی نەبووە.
دەستەكە ئەمڕۆ یەكشەممە 27ی كانونی یەكەم ئاشكرایكرد، بومەلەرزەكە بە گوڕی 5.3 پلە بووە و ڕۆژهەڵاتی وڵاتی گرتووەتەوە و بەپێی میدیاكان لەلایەن دانیشتووانی مەلاتیا و دیاربەكر و شانلی ئۆرفاوە هەستیپێكراوە.
لای خۆیەوە سەنتەری تۆماری بومەلەرزەی ئەوروپی ئاشكرایكرد كە بومەلەرزەكە لە قوڵایی دوو كیلۆمەتر و لە دووری 109 كیلۆمەتر لە دیاربەكرەوە ڕویداوە.
لە تویتێكیشدا سلێمان سۆیلو، وەزیری ناوخۆی توركیا ڕایگەیاند، “تائێستا هیچ هەواڵێكی نەرێنی نەگەیشتووە. تیمەكانمان بەمەیدانی درێژە بە كارەكانیان دەدەن”.
M5.4 #earthquake (#deprem) strikes 109 km NW of #Diyarbakır (#Turkey) 15 min ago. Updated map of its effects: pic.twitter.com/fcG0AmMINQ
— EMSC (@LastQuake) December 27, 2020
