هاتوچۆی سلێمانی ڕێگایەکی سەرەکی داخست

هاتوچۆی سلێمانی ڕێگای ڕۆیشتن و هاتنی بەرزە پردی کۆبانێی داخستووە و داوا لە شۆفێران دەکات شەقامی خزمەتگوزاری بەکاربهێنن.

لە ڕاگەیەندراوێکدا بەڕێوەبەرایەتیی هاتوچۆی سلێمانی ئاگاداری شۆفێران دەکاتەوە کە بەهۆی کارکردن لە شەقامی سەرەکیی مەلیک مەحمود، هەردوو ئاراستەی ڕۆیشتن و هاتنی بەرزە پردی کۆبانێ داخراوە.

داواش لە شۆفێران دەکات شەقامی خزمەتگوزاری و شەقامەکانی ژێر بەرزە پردەکە بەکاربهێنن.