ئۆکرانیا هەنگاوێکی گرنگ بەرەو یەکێتیی ئەوروپا دەنێت

ڤلۆدیمێر زیلینسکی پرسیارنامەیەکی فەرمیی یەکێتیی ئەوروپای واژووکردووە و ڕایگەیاندووە، لە چەند هەفتەی داهاتوودا وڵاتەکەی دەبێتە پاڵێوراو بۆ یەکێتیی ئەوروپا.

ڤلۆدیمێر زیلینسکی سەرۆکی ئۆکرانیا پرسیارنامەیەکی فەرمیی یەکێتیی ئەوروپای واژووکردووە و ڕادەستی نێردراوی یەکێتییەکەی کردووە و ڕایگەیاندووە، ئەو هەنگاوە لە چەند هەفتەی داهاتوودا وڵاتەکەی دەکاتە پاڵێوراو بۆ چوونەناو یەکێتیی ئەوروپاوە.

پێشتر ئۆرسولا ڤۆن دێرلاین سەرۆکی کۆمسیۆنەکە لە میانی سەردانێکیدا بۆ کیێڤ، پرسیارنامەکەی ڕادەستی زیلینسکی کردبوو، هەروەها بەڵینیشیدابوو زووتر دەست بە هەوڵدان بکرێت تاکو پاش ئۆپەراسیۆنە سەربازییەکەی ڕوسیا، ئۆکرانیا ببێتە ئەندام لە یەکێتیی ئەوروپادا.

زیلینسکی لە کۆبوونەوەیەکدا پرسیارنامە تەواوکراوەکەی داوەتە نێردراوی یەکێتیی ئەوروپا لە ئۆکرانیا و ڕایگەیاندووە، “بڕوایەکی بەهێزمان هەیە ئەم ڕێوشوێنە (بوونی ئۆکرانیا بە پاڵێوراو) لە چەند هەفتەی داهاتوودا ڕوودەدات و بۆ میللەتەکەمان ئەرێنی دەبێت، بە لەبەرچاوگرتنی ئەو باجەی لەڕێی سەربەخۆیی و دیموکراسیدا داویەتی”.

بابەتی پێشتر

مایكڵ ڕۆبن: پێویسته‌ ئه‌مریكا له‌دژى چاوترسێنكردنه‌كانى بارزانى بوه‌ستێته‌وه‌

بابەتی دواتر

سەباح هەورامی: خەڵكانێك لەناو حكومەتدا كاردەكەن بۆ ئەوەی خاڵە بەهێزەكانی سلێمانی لاوازبكەن

بابەتی پەیوەندیدار
زیاتر ببینە

نرخی نەوت بەرزبووەوە

نرخی نەوت لە بازاڕەكانی جیهان بەرزبوونەوەی بەخۆوە بینی و یەك بەرمیل نەوتی خاوی برێنت بەسەروو 82 دۆلار مامەڵەی…
Total
0
Share