دەیان كۆچبەر كە هەوڵیانداوە بە نایاسایی بێنە عێراق، دەستگیركران.
ئاژانسی هەواڵگری و لێكۆڵینەوەی فیدراڵیی عێراق دەڵێت، هێزەكانی 43 كۆچبەری نایاساییان دەستگیركردووە، هەوڵیانداوە بە نایاسایی بێنە عێراق.
ڕاگەیەندراوێك كە ئاژانسی هەواڵگری و لێكۆڵینەوەی فیدراڵیی عێراق ئەمڕۆ یەكشەممە بڵاویكردووەتەوە، ئاشكرایكرد، “43 كەس كە ڕەگەزنامەی ئاسیاییان پێیە، هەوڵیان دا بێنە خاكی عێراقەوە”.
ڕوونیكردووەتەوە، ئەو كۆچبەرانە “لە وڵاتێكی دراوسێ و لەڕێگەی پارێزگای سلێمانییەوە هاتبوونە عێراق” و ڕێكاری یاساییان بەرامبەر گیراوەتەبەر.
هەفتەی ڕابردوو هێزە ئەمنییەكانی عێراق دەستگیركردنی دەیان كۆچبەری تریان ڕاگەیاندبوو كە بە شێوەی نایاسایی لە باشوورەوە هەوڵی گەیشتن بە عێراقیان دابوو.
