بانكی ڕەشید ڕایگەیاند، قەرزێكی نوێ دەدەنە فەرمانبەرانی گرێبەست بەبێ بوونی كەفیل و دەتوانن لەماوەی پێنج ساڵدا قەرزەكە بدەنەوە.
بەپێی ڕاگەیەندراوێكی بانكی ڕەشید، بڕیاریانداوە بە پێدانی پێنج ملیۆن دینار وەكو قەرز بە فەرمانبەرانی گرێبەست.
ئاماژەی بەوەشكردووە، قەرزەكە بۆ ماوەی پێنج ساڵە و پێویستی بە بوونی كەفیل نییە.
بەپێی ڕاگەیەندراوەكە، بانكی ڕەشید، ڕێژەی سوودی قەرزەكە تەنها 5% دەبێت.
قەرزەكەی بانكی ڕەشید هەرێمی كوردستان ناگرێتەوە، بەهۆی ئەوەی ئەو بانكە ماوەی چەند ساڵێكە لقی لە هەرێمی كوردستان نەماوە.
