بەڕێوەبەرایەتیی پۆلیسی ڕاپەڕین دوو تۆمەتباری دەستگیرکرد کە لەکاتژمێر 4:00ی بەرەبەیاندا دزییان ئەنجامداوە.
لە ڕاگەیەندراوێکدا بەڕێوەبەرایەتیی گشتیی پۆلیسی ڕاپەڕین ئاشکرایکرد، لە ناحیەی حاجیاوا دوو کەسیان دەستگیرکردووە، کە لە کاتژمێر 4:00ی بەرەبەیاندا سەرقاڵی دزیکردن بوون لە گەنم و ئالیکی خاوەن ئاژەڵێک، دەستگیراوە بەسەر ئەو ئۆتۆمبێلەی بەکاریانهێناوە.
ئەو دوو تۆمەتبارەی دەستگیرکراون، بەناوەکانی (ش، ع، س) لەدایکبووی 1988 و ( ف، س، ت) لەدایکبووی 1980، لەکاتی لێکۆڵینەوەدا دانیانناوە بە تاوانەکەیاندا.
هەردوو تۆمەتبارەکە بەپێی ماددەی 443 ڕاگیراون و لێکۆڵینەوە لەگەڵیان بەردەوامە.
