پۆلیسی پارێزگای سلێمانی دەستگیركردنی چوار تۆمەتباری بە تۆمەتی بەكارهێنانی ماددەی هۆشبەر و ڕێگرییكردن دەستگیركرد.
لە ڕاگەیەندراوێكدا پۆلیسی سلێمانی ئاماژەی بەوەكردووە، “مەفرەزەکانی نوسینگەی کوردساتی بەشی پۆلیسی نەھێشتنی تاوان چوار تۆمەتباریان بە تۆمەتی بەکارھێنانی ماددەی ھۆشبەر و تەقەکردن و ڕێگرییکردن دەستگیرکرد.”
باسی لەوەشكردووە، “پاش کۆکردنەوەی زانیاری و وەرگرتنی بڕیاری دادوەر، مەفرەزەکانی نوسینگەی کوردساتی بەشی پۆلیسی نەھێشتنی تاوان، توانیان چوار تۆمەتبار بەتۆمەتی بەکارھێنانی ماددەی ھۆشبەر و تەقەکردن و ڕێگرییکردن لەھاوڵاتییان دەستگیربکەن”.
ڕوونیشیكردووەتەوە، لە ئێستادا ھەریەک لە تۆمەتباران (ئ، ش، ع لە دایکبووی2003 م، س، م لە دایکبووی 2002 – ب، ح، س لە دایکبووی 2003 – ش، أ، ش لەدایکبووی 1999) دانیان بەتاوانەکەیاندا ناوە و بەبڕیاری دادوەر ڕاگیراون و لێکۆڵینەوەش لەگەڵیاندا بەردەوامە.
