پۆلیسی سلێمانی، وەك باشترین دامەزراوەی وەزارەتی ناوخۆی هەرێمی كوردستان دەستنیشانكرا و خەڵاتكرا.
لە کۆبوونەوەی لیژنەی باڵای ئۆپەراسیۆن لە هەولێر، پۆلیسی سلێمانی وەكو یەكەم دامەزراوەی سەر بە وەزارەتی ناوخۆ دیاریكراوە لە چالاکی و دەستگیرکردنی تۆمەتباران، بۆیە ئەمڕۆ وەزارەتەكە پۆلیسی سلێمانیی خەڵاتكرد.
بەپێی ئامارەكان، لەماوەی سێ مانگی یەكەمی ئەمساڵدا پۆلیسی سلێمانی 204 تۆمەتباریان دەستگیركردووە لە سنووری پارێزگاكەدا، لەكاتێكدا بەڕێوەبەرایەتییەكانی پۆلیس لە هەولێر 28 تۆمەتبار، لە دهۆكیش 38 تۆمەتباریان دەستگیركردووە.
لیوا چەتۆ ساڵح، بریکاری وەزارەتی ناوخۆ، سوپاسی خۆی ئاراستەی سەرجەم بەش و بەڕێوەبەرایەتییەکانی قەزا و ناحیەکانی سەر بە پۆلیسی سلێمانی كرد لەبەرامبەر بەجێگەیاندنی ئەركەكانیان.
