لە مەیدانی ئاژەڵانی هەولێر شەڕە تەقە ڕوویدا و بریندار هەیە.
پەیامنێری تۆڕی میدیایی ئێستا گواستیەوە، کەمێک لەمەوبەر لە مەیدانی ئاژەڵانی ھەولێر شەڕە تەقە لەنێوان دوو “دوژمنکار” دروستبووە و تەقەیان لەیەکتر کردووە.
باسی لەوەشكرد، بەپێی زانیارییەکان، دوو کەس بریندارن و یەکێکیان هەشت گولـلەی بەرکەوتووە.
لای خۆیەوە، هۆگر عەزیز، وتەبێژی پۆلیسی هەولێر بە تۆڕی میدیایی ئێستای ڕاگەیاند، ڕووداوەکە پێدەجێت بەهۆی کێشەی کۆنی کۆمەڵایەتییەوە بێت و ئەو دوو کەسەشی بریندارن برینەکەیان سەختە.
ڕوونیشیكردەوە، یەکێک لە بریندارەکان نەشتەرگەری بەپەلەی ئەنجامدراوە و چاوەڕێن بریندارەکان توانای قسەکردنیان هەبێت و وتەیان لێوەربگرن.
وتەبێژی پۆلیسی هەولێر جەختیشی كردەوە، لە ئێستادا بەدوای تۆمەتبارەکاندا دەگەڕێن و لێکۆڵینەوە دەستیپێکردووە.
