نرخی نەوت لە بازاڕەكانی جیهان بە بەرزبوونەوە دەستیپێكرد و نرخی هەر بەرمیلێك نەوتی برێنت گەیشتە 104 دۆلار.
بەیانی ئەمڕۆ چوارشەممە لەگەڵ كردنەوەی بازاڕەكاندا نرخی نەوتی برێنت بۆ 105 دۆلار بەرزبووەوە، بەڵام دواتر كەمێك دابەزی و بە 104 دۆلار مامەڵەی پێوەدەكرێت.
هەروەها نرخی یەك بەرمیل نەوتی خۆرئاوای ئەمریكاش بە 100 دۆلار مامەڵەی پێوەدەكرێت.
نرخی نەوت لەلایەک بەهۆی ئەگەری سەپاندنی سزای زیاتر بەسەر ڕوسیا و ئاسایی بوونەوەی بەشێک لە هاتوچۆ لە شەنگەهای چین بەرزبوونەوە، هەروەها بەهۆی هۆشداریی ڕێکخراوی ئۆپێک بەوەی کە ناتوانێت قەرەبووی نەمانی نەوتی ڕوسیا لە بازاڕەکاندا بکاتەوە.
