خۆپیشاندان لە بەغداد دەستیپێكرد و هاوڵاتییان ناڕازین لە بەرزبوونەوەی نرخی شمەك و كاڵا و خزمەتگوزارییەكان.
ئەمڕۆ یەكشەممە ژمارەیەك خۆپیشاندەر لەبەردەم پاڵاوگەی دۆرە لە خۆرئاوای بەغداد گردبوونەوە، خۆپیشاندەران نیگەرانن لە بەرزبوونەوەی نرخی نەوتی خاو و خۆپیشاندانەكەیان بۆ دەربڕینی ناڕەزاییە بەرامبەر بە بەرزبوونەوەی نرخی شمەك و كاڵا و خزمەتگوزارییەكان.
وەك هەوڵێك بۆ كۆنترۆڵكردنی خۆپیشاندانەكە و زیاتر فراواننەبوونی، هێزە ئەمنییەكان پردی “تابقێن”یان داخست كە پردێكی دوو قاتە و ناوچەی دۆرە بە كەڕادەوە دەبەستێتەوە.
بەشێك لە خۆپیشاندەران خاوەن كارگەكانی چیمەنتۆ و كارمەند و كرێكارەكانی ئەو كەرتەن و بە ژمارەیەك تانكەر ماوەیەك شەقامی بەردەم پاڵاوگەكەیان داخست كە ڕێگای خێرای دۆرەیە.
