بەڕێوەبەرایەتیی پۆلیسی پارێزگای سلێمانی بڵاویكردووەتەوە چوار كەس بە تۆمەتی فاڵگرتنەوە و نوشتە و جادووكردن دەستگیركراون.
بەپێی ڕاگەیەندراوێكی بەڕێوەبەرایەتیی پۆلیسی سلێمانی تێیدا هاتووە، دوای ئەوەی پۆلیسی سلێمانی زانیاری لەسەر چەند تۆمەتبارێك دەستكەوت كە سەرقاڵی فاڵگرتنەوە و نوشتەكردن و فریودانی هاوڵاتیان بوون، لێكۆڵینەوەكان دەستیپێكرد سەرجەم بنكەكان ڕاسپێردران بۆ دۆزینەوە و دەستگیركردنی تۆمەتبارەكان،
لە ڕاگەیەندراوەكە هاتووە، لەلایەن بنكەی پۆلیسی سەرچنارەوە چوار تۆمەتبار دەستگیركراون و دەستیشگیرا بەسەر چەندین پارچە كەلوپەلدا كە بۆ فاڵگرتنەوە و نوشتەكردن بەكاریانهێنابوو.
پۆلیسی سلێمانی ئاشكرایكرد، بە بڕیاری دادوەر ڕاگیراون و لێكۆڵینەوەكان لەگەڵیاندا بەردەوامە.
