بەهۆی خراپی كەشوهەوا و خۆڵبارینەوە، بەڕێوەبەرایەتیی گشتیی تەندروستیی هەولێر هۆشداری بە هاوڵاتیان دەدات و داوادەكات لە ماڵەكانیان بمێننەوە و لەكاتی هاتنەدەرەوەدا پێویستە ماسك بەكاربهێنن.
بەڕێوەبەڕایەتی تەندروستیی هەولێر چەند ڕێنماییەكی ئاراستەی هاوڵاتیان كردووە و تێیدا هاتووە، ئەو كەسانەی نەخۆشیی ڕەبۆوە و تەنگەنەفەسییان هەیە لە ماڵەكانیان بمێننەوە و بەبێ ماسك نەیەنە دەرەوە.
ڕێنماییەكانی تەندروستیی هەولێر :
١ – پێویستە هاوڵاتیان لەماڵەكانیان بمێنەوە و باشترە نەیەنە دەرەوە.
٢ – لەكاتی هاتنە دەرەوە پێویستە ماسك (دەمامك) بەكاربهێندرێت.
٣ – ئەو كەسانەی نەخۆشی ڕەبۆ و تەنگەنەفەسییان هەیە دەبێت لە ماڵ بمێننەوە و بەبێ ماسك نەیەنە دەرەوە.
٤- لە كاتی تێكچوونی باری تەندروستی ئەم نەخۆشانە، یاخود هەر كەسێكی ئاسایی سەردانی نزیكترین بنكە، یان نەخۆشخانە بكەن.
٥ – هەندێك كەس بەمجۆرە كەشوهەوایە دووچاری هەستیاریی پێست دەبێت، بۆیە باشترە خۆی بپارێزێت و جلوبەرگی داپۆشراو بپۆشێت.
٦- منداڵانی خوێندنگە و باخچەكان باشترە لەم ڕۆژەدا نەیەنە دەرەوە بۆ (حەوشە) بۆ یاریكردن.
٧- هەر میوە و خۆراكێك لە دەرەوە بوو لێكراوە بۆ خواردن لەم كاتەدا پێویستە جوان بشۆرێتەوە.
