ڕاگەیاندنەكانی ئینگلتەرا كۆكن لەسەر ئەوەی ئیدارەی مانچستەر یونایتد بۆ وەرزی نوێ ئیریك تین هاگی هۆڵەندی دەكاتە ڕاهێنەر.
بە پێی هەواڵی ڕۆژنامەكانی بریتانیا بێت، هەفتەی داهاتوو ئیدارەی مانچستەر ئیمزاكردنی گرێبەست لەگەڵ تین هاگ ڕادەگەیەنێت.
هەرچەندە ئیدارەی یانەی ئەیاكسی هۆڵەندی ڕەتیكردەوە كە تین هاگ هیچ گفتوگۆیەكی لەسەر داهاتووی كردبێت، بەڵام بە پێی ڕۆژنامەكانی ئینگلتەرا بێت، هەموو شتێك كۆتایی هاتووە.
تین هاگ دەیەوێت بۆ پینج وەرز سەرپەرشتی مانچستەر یونایتد بكات و داواشی كردووە خۆی دەستی لە كڕینی یاریزانی نوێ هەبێت.
