بەڕێوەبەرانی یانەی بایرن میونشن، سەبارەت بە گواستنەوەی ڕیان گراڤینبێرخ گرێبەستێکی سەرەتاییان لەگەڵ مینۆ ڕایۆلا-دا کردووە.
بەپێی زانیارییەکانی بێلد سپۆرت، یانە باڤارییەکە سەبارەت بە گواستنەوەی ڕیان گراڤینبێرخی یاریزانی هێڵی ناوەندی هۆڵەندا و یانەی ئەیاکس ئەمستەردام، لەگەڵ خودی یاریزانەکە و مینۆ ڕایۆلای لێپرسراوی کارەکانی بە ڕێککەوتن گەیشتووە.
ئۆلیڤەر کان و هاوکارانی لە ئێستادا کار بۆ ئەوە دەکەن لەگەڵ یانەی ئەیاکس ئەمستەردام ڕێککەوتن لەسەر نرخی یاریزانەکە بکەن، نرخی ڕاستەقینەشی بەپێی داتاکانی ترانسفێر مارکت بە 35 ملیۆن یورۆ خەمڵێنراوە.
سەرچاوەکە نووسیویەتی، بایرن بۆ یەکەم جار گرێبەستێکی بە بڕی 25 ملیۆن یورۆ پێشکەشی ئەیاکس کردووە هاوشانی پاداشت و زیادەکان، بەڵام ئەو گرێبەستە ڕەت کراوەتەوە.
