وەزارەتی کشتوکاڵ و سەرچاوەکانی ئاوی هەرێمی کوردستان یاسای سەرپەرشتیارانی پرۆژەکانی کشتوکاڵی پەسەندکرد، کە تایبەتە بە ڕەخساندنی هەلی کار و سەرپەرشتیکردنی پرۆژەکانی وەزارەتەکە لەلایەن دەرچووانی کشتوکاڵ و ڤێتێرنەرییەوە.
ئەو یاسایەی پەسەندکراوە، یاسای ژمارە 20ی ساڵی 2021 ی تایبەت بە یاسایی سەرپەرشتیارانی پرۆژەکانی کشتوکاڵی لەهەرێمی کوردستانە، یاساکە هەلی کار بۆ ئەو دەرچووانە دەڕەخسێنێت کە دەرچووی کۆلێژەکانی کشتوکاڵ و ڤێتێرنەریین بەو مەرجەی دانەمەزرابێتن.
لەبارەی یاساکەوە بێگەرد تاڵەبانی وەزیری کشتوکاڵ و سەرچاوەکانی ئاو ڕایگەیاند، یاساکە ڕەخساندنی دەرفەتی کارە بۆ دەرچووانی کۆلێژ و پەیمانگاکانی کشتوکاڵی و فێتێرنەری کە دانەمەزراون، بەشێوازی کردنەوەی خولی ڕاهێنان و شیاندنی توانای کارمەندان لە ڕووی هونەری و پیشەیی و ڕێکخستنی زیاتری کەرتی کشتوکاڵ و پرۆسەی سەرپەرشتیکردنی پرۆژە کشتوکاڵییەکان لەسەر ئاستی هەرێمی کوردستان.
دەقی یاساکە:
