پارتی نیگەرانە لە ئاشكرابوونی ناكۆكییەكانی سەرۆكایەتیی ئەنجومەنی نوێنەران

شاخه‌وان عه‌بدوڵا لەبارەی ناكۆكییەكانی سەرۆكایەتیی ئەنجومەنی نوێنەران هاتە دەنگ، نیگەرانە لە دزەپێكردنی ئەو نووسراوانەی ناكۆكییەكەیان ئاشكراكرد.

لە چەند ڕۆژی ڕابردوودا دوو نووسراوی محەمەد حەلبووسی سەرۆكی ئەنجومەنی نوێنەران و حاكم زاملی جێگری یەكەمی سەرۆكەكە بڵاوكرایەوە، كە ناكۆكن لەبارەی ناوهێنانی سەرۆكایەتیی ئەنجومەنی نوێنەران.

حەلبووسی دەڵێت ناوهێنانی “دەستەی سەرۆكایەتیی ئەنجومەنی نوێنەران” نادەستوورییە و پێویستە بوترێت، “سەرۆك و جێگرەكانی”، بەڵام زاملی بە نووسراوێك وەڵامی داوەتەوە و دەڵێت، “دەستەی سەرۆكایەتیی ئەنجومەنی نوێنەران” دەستەواژەیەكی دەستوورییە.

ئەو ناكۆكییە كاریگەریی لەسەر هاوپەیمانێتیی نێوان سوننەكان و ڕەوتی سەدر دروستكردووە و ئەگەری هەڵوەشانەوەی هاوپەیمانێتییە سێقۆڵییەكەی “سەدر، پارتی، سووننە” لەئارادایە، بۆیە پارتی لەو ناكۆكییانە و ئاشكرابوونیان نیگەرانە.

میدیای عێراقی ئاماژە بە نیگەرانیی شاخه‌وان عه‌بدوڵا جێگری دووه‌می سه‌رۆكی ئەنجومەنی نوێنەران دەكات، بەهۆی دزەپێكردنی ئەو نووسراوانەی حەلبووسی و زاملی.

بەپێی میدیاكان، شاخه‌وان عه‌بدوڵا هەڕەشەی ئەوەی كردووە، سەرۆكایەتیی ئەنجومەنی نوێنەران ڕێوشوێنی یاسایی دژی ئه‌و كەسانە‌ ده‌گرێته‌به‌ر، كه‌ دزه‌ به‌ به‌ڵگه‌نامه‌كانی ئەنجومەنی نوێنەران ده‌كه‌ن.

بابەتی پێشتر

دۆلار بەرزبووەوە

بابەتی دواتر

وڵاتانی ئەوروپا پلانی وزەی خاوێن خێراتر دەکەن.. شەڕی ڕوسیا لە ئۆکرانیا هۆکارە

بابەتی پەیوەندیدار
زیاتر ببینە

عێراق كەشتیی گەورە دەكڕێت

كەشتیگەلی عێراق گەورە دەكرێت و نەوتگوێزەرەوەی زەبەلاحی بۆ زیاددەكرێت. بڕیارە لە سەرەتای ساڵی داهاتووەوە، كەشتییەكی گەورەی گواستنەوەی نەوت…
Total
0
Share