كیلیان مباپی فەڕەنسی سەرسامە بەشێوازی یاریكردنی مێسی ئەرجەنتینی و شانازیش دەكات كە لە تەنیشتییەوە یاریی كردووە.
مباپی پاش تۆماركردنی دوو گۆڵ بەرامبەر لۆریان ئاماژەی بەوەدا كە هەلی مانەوەی لە پاریس سانجێرمان هەیە و هێشتا بڕیاری كۆتایی نەداتەوە.
وتیشی: “مێسی یاریزانێكی جیاوازەو ڕۆژانە شتی تازەی لێوە فێردەبم.”
جەختی لەوەشكردەوە كە هەلی یاریكردن لەگەڵ مێسی لەدەست خۆی نەداوە و دڵخۆشە كە توانیویەتی ئەو ئامانجە بەدی بهێنێت.
مباپی دڵنیایە لەوەی مێسی دەگەڕێتەوە كەشی یاریكردن و دەشتوانێت هاوكاری پاریس بكات بۆ بەدەستهێنانی ناسناوەكان.
