بزوتنەوەی تاڵیبان ڕایدەگەیەنێت، لەمڕۆوە چاندنی قنەب و بەكارهێنان و بازرگانیكردن بە سەرجەم جۆرەكانی هۆشبەر لە سەرتاسەری وڵات قەدەغەیە.
ئەژماری فەرمی تاڵیبان لە تویتەر (ئیمارەی ئیسلامی) مەرسومێكی تایبەت بە قەدەغەكردنی چاندنی حەشیشی لە ئەفغانستان بڵاوكردەوە و تیایدا هاتووە، “ئاگاداری سەرجەم هاوڵاتییان دەكرێت كە بەهەموو شێوەیەك چاندنی حەشیشە لە سەرتاسەری ئەفغانستان ڕێگری لێدەكرێت، پاش دەرچوونی ئەم فەرمانە، لەئێستاوە ڕێگە بەهیچ كەسێك نادرێت حەشیشە لە خاكەكەیدا بچێنێت، هەركەس سەرپێچیی فەرمانەكە بكات چێندراوەكەی لەناودەبرێت و بەپێی حوكمی شەرعی مامەڵەی لەگەڵ دەكرێت”.
بزوتنەوەكە بەهەمان شێوە بەكارهێنانی ماددەی هۆشبەریشی لە سەرتاسەری وڵات بە سەرجەم جۆرەكانیەوە (خواردنەوەی كحولی، حەشیشە، ئەفیون، هیرۆیین، شیشە، حەب و ئەوانی دیكە) قەدەغە كردووە، هەروەك فرۆشتن، گواستنەوە، بازرگانیكردن ، هاوردە، هەناردە و بەرهەمهێنانی قەدەغەیە.
دووپاتیشیكردووەتەوە، هەر كەسێك سەرپێچی فەرمانەكە بكات لەدوای دەرچوونیەوە، دەدرێتە لایەنە دادوەرییەكان و ڕووبەڕووی سزای قورس دەبێتەوە.
٣/١
مرسوم سماحة أمير المؤمنين بخصوص منع زراعة الحشيش في جميع #أفغانستانينوه جميع المواطنين على أنه يمنع بتاتا زراعة الحشيش في جميع أفغانستان، بعد تاريخ صدور هذا المرسوم، ولا يسمح لأحد بعد الآن أن يزرع الحشيش في أراضيه، ومن نقض هذا المرسوم فسيُهلك زرعه ويُعامل وفق أحكام الشرع. pic.twitter.com/OJEoExziAx
— الإمارة الإسلامية (@alemara_ar) April 3, 2022
