كەسێكی بیانی بەتۆمەتی پلاندانان بۆ كوشتنی سەرۆكی كازاخستان دەستگیركرا.
نوسینگەی ڕاگەیاندنی لیژنەی ئاسایشی نیشتمانیی كازاخستان دەستگیركردنی بەكرێگیراوێكی بیانی ڕاگەیاند كە بەپێی نوسینگەكە پلانیداوە بۆ كوشتنی قاسم جومارت توكایڤ، سەرۆكی وڵاتەكە.
ڕۆژی 25ی ئازار لەلایەن هەواڵگریی كازاخستانەوە لە شاری نورسوڵتان ئەو بەكرێگیراوە دەستگیركراوە كە هاوڵاتی كۆماری (ئـ)ە، وەك ئەوەی لە ڕاگەیەندراوی نوسینگەكەدا هاتووە.
دەشڵێت، گوماندەكرێت دەستگیركراوەكە ئامادەكاری بۆ كوشتنی ژمارەیەكی دیكە لە بەرپرسان كردبێت.
