پاش ماڵئاواییکردنی لە پۆستە حکومییەکەی، ئیلۆن مەسک، ملیاردێری جیهانی رایگەیاند، وەک “هاوڕێ و راوێژکار”ـی دۆناڵد ترەمپ، سەرۆکی ئەمریکا دەمێنێتەوە.
ئیلۆن مەسک، لە لێدوانێکدا بۆ رۆژنامەنووسان، دوای ئەوەی ترەمپ کلیلێکی زێڕینی وەک دیاریی ماڵئاواییکردنی لە پۆستی وەزیری کۆمیسیۆنی کارایی حکومەتی ئەمریکا پێشکەشکرد، رایگەیاند، “بە تامەزرۆییەوە چاوەڕێی ئەوەم وەک هاوڕێ و راوێژکاری سەرۆک ترەمپ بمێنمەوە”.
جەختیشی لەوە کردەوە، بەردەوام دەبێت لە پشتگیریکردنی ئەو تیمەی کە بەدوای ئەوەن کۆتایی بە بەفیڕۆدانی تریلیۆنان دۆلار بهێنن، کە ئەمەش سوود بە ئابوریی ئەمریکا دەگەیەنێت.
