مەڵبەندی کەرکوکی یەکێتیی نشتیمانیی کوردستان لەسەر کوژرانی کادرێکی یەکێتی لە کەرکوک ڕاگەیەندراوێكی بڵاوكردەوە و دەڵێت، لەسەر هێڵین لەگەڵ پۆلیس بۆ دەستگیركردنی تۆمەتبارەكان.
لە ڕاگەیەندراوەکەدا ھاتووە، “بەداخەوە ئەمڕۆ کادرێکی کۆمیتەی پەنجاعەلی بەناوی ( ڕێبوار محەمەد ئەمین)، لە گەڕەکی پەنجاعەلی لەلایەن چەند کەسێکەوە کوژرا”.
مەڵبەندی كەركوكی یەكێتی لە ڕاگەیەندراوەكەیدا دەڵێت، “بۆ ئەم خەمە پرسە و ھاوخەمی خۆمان ئاڕاستەی کەسوکار و بنەماڵەی کۆچکردوو دەکەین، ھەروەک دڵنیاییش دەدەین لەگەڵ لایەنی پۆلیس لەسەر ھێڵین بۆ دۆزینەوەی تۆمەتباران تاوەکو دەستگیربکرێن و ڕووبەڕووی یاسابکرێنەوە.
