كۆمپانیای دیلۆیت، ڕاپۆرتی ساڵی 2021ی تایبەت بە بڕی نەوتی بەرهەمهێنراو و داهاتەكەی بڵاوكردووەتەوە كە زیاتر لە 152 ملیۆن بەرمیل نەوت بە بۆری هەناردەی بەندەری جەیهانی توركیا كراوە و داهاتەكەی 9 ملیار دۆلاربووە و 44%ی داهاتی نەوتی فرۆشراو بۆ حكومەتی هەرێم ماوەتەوە.
لە ڕاپۆرتەكەدا هاتووە، ساڵی 2021 یەك بەرمیل نەوتی هەرێمی كوردستان بە 59 دۆلار و 4 سەنت فرۆشراوە و 44%ی داهاتی نەوتی بۆ هەرێمی كوردستان ماوەتەوە كە دەكاتە 4 ملیار دۆلار.
ئاماژە بەوەكراوە، داهاتی نەوتی فرۆشراو لە ساڵی 2021 دا 9 ملیار دۆلاربووە و زیاتر لە 5 ملیار دۆلار خەرجی بەرهەمهێنانی نەوت بووە.
حكومەتی هەرێمی كوردستان گرێبەستی لەگەڵ كۆمپانیای دیلۆیت كردووە ساڵانە وردبینی لە بڕی نەوتی فرۆشراو و تێچوو و داهاتەكەی بڵاودەكاتەوە.
