موقتەدا سەدر ڕێبەری ڕەوتی سەدر پەیامێكی بڵاوكردەوە و ڕایگەیاند، “پێكهێنانی حكومەتی تەوافوقی بە هەموو شێوەیەك ڕەتدەكەمەوە بە هیچ شێوەیەك گەلی عێراق ناگەڕێنمەوە بۆ نەهامەتییەكانی پێشوو”.
لە پەیامێكدا كە كەمێك لەمەوبەر لە تویتەر بڵاویكردەوە، موقتەدا سەدر ڕێبەری ڕەوتی سەدر ڕایگەیاند، “هیچ خێرێك لە حكومەتی تەوافوقی نیشتمانیدا نییە و تەوافوق مانای كۆتاییهاتنی وڵاتە”.
ئاماژەی بەوە كرد، “جارێكی دیكە گەلی عێراق ناگەڕێنمەوە بۆ نەهامەتییەكانی پێشتر و پشكپشكێنە كۆتاییهاتنی وڵاتە”.
ئەمڕۆ چوارشەممە، بۆ جاری سێیەم كۆبوونەوەی ئەنجومەنی نوێنەرانی عێراق بۆ هەڵبژاردنی سەرۆك كۆماری عێراق شكستیهێنا و بەرنامەی كاری كۆبوونەوەكە لە هەڵبژاردنی سەرۆك كۆمارەوە گۆڕدرا بۆ هەڵبژاردنی ئەندامانی لیژنەی دارایی .
