بەرەبەیانی ئەمڕۆ خانەنشینێکی دیکە لەسەرەی وەرگرتنی مووچە گیانیلەدەستدا و ئەمەش دەبێتە سێیم خانەنشین لەکاتی وەرگرتنی مووچەی مانگی شوباتدا گیانلەدەستبدەن.
لەلێدوانێکدا بۆ تۆڕی میدیایی ئێستا، سامان نادر وتەبێژی بەرپرسی بەشی فریاکەوتنی خێرا لە تەندروستیی سلێمانی ڕایگەیاند، لەکاتژمێر 5:00ی بەرەبەیانی ئەمڕۆ خانەنشینێک لەکاتی وەستانی لەسەرەی وەرگرتنی مووچەدا لە بانکی تانجەرۆ گیانیلەدەستداوە.
ئەو خانەنشینەی ئەمڕۆ گیانیلەدەستداوە ناوی فەتاح ڕەزایە و تەمەنی 81 ساڵ بووە، بەپێی وتەی بەرپرسی فریاکەوتنی خێرا، بەرلە گەیشتنی تیمە فریاگوزارییەکانیان گیانیلەدەستدابوو.
ئەمە سێیەم خانەنشینە لەکاتی وەرگرتنی مووچەی مانگی شوباتی خانەنشینیدا گیانلەدەستبدات و پێشتر لە 20ی ئازاردا دوو خانەنشینی دیکە لەبەردەم هەمان بانک لەکاتی وەرگرتنی مووچەکانیاندا گیانیانلەدەستدا.
جگە لەوەی چەندین حاڵەتی تێکچوونی باری تەندروستی و شێلان بە ئۆتۆمبێل ڕوویداوە بەهۆی قەرەباڵغیی سەرەی وەرگرتنی مووچەی خانەنشینی کە تائێستا بەشێکیان مووچەکانیان وەرنەگرتووە.
