بەشی پۆلیسی دارستانی دەربەندیخان دوو کەسیان دەستگیرکرد کە لەسنووری گوندی زمناکۆ ژمارەیەک داربەڕووی گەورەیان بڕیبووەوە.
لە ڕاگەیەندراوێکدا بەڕێوەبەرایەتیی پۆلیسی دارستان ئاشکرایکرد، لەسنووری گوندەکانی زمناکۆ و مۆردکە هەلمەتێکی دەستگیرکردنیان بۆ ئەو کەسانە ئەنجامداوە کە دار دەبڕنەوە، توانیویانە دوو کەس دەستگیربکەن بەهۆی بڕینەوەی ژمارەیەک داربەڕووی گەورە.
ئەو دوو کەسە ئێستا دەستبەسەرکراون و پەڕاوی لێکۆڵینەوەیان بۆ کراوەتەوە.
