ماوەی دوو ڕۆژە زەكی ساڵح موسا بەڕێوەبەری پێشووی چاكسازیی ئافرەتان و سنێلەكان لە دهۆك و سێ كاربەدەستی تری بەڕێوەبەرایەتییەكە دەستگیركراون.
بەپێی زانیارییەكانی پەیامنێرمان، دەستگیركردنی ئەو چوار كەسە بە چەند تۆمەتێكە لەوانە تێوەگلان لە گەندەڵی.
دڵشاد هیمۆ پەیامنێری تۆڕی میدیایی ئێستا وتی، لە ماوەی ڕابردوودا زەكی ساڵح موسا بەڕێوەبەری پێشووی چاكسازیی ئافرەتان و سنێلەكان لە دهۆك، لەلایەن ئەنجومەنی پارێزگای دهۆكەوە بانگێشتكرابوو بەمەبەستی لێپرسینەوە لەو تۆمەتانەی ڕووبەڕووی كراونەتەوە.
لەبارەی تۆمەتەكانەوە، پەیامنێرمان لە دهۆك ڕوونیكردەوە، بەپێی ئەو زانیارییانەی لە سەرچاوەیەكی بەرپرسی ناو بەڕێوەبەرایەتییەكەوە بەتایبەتی بە تۆڕی میدیایی ئێستا دراون، ئەو چوار كاربەدەستە تۆمەتبارن بە تێوەگلان لە گەندەڵی و بەهەدەردانی سامان و چەند تۆمەتێكی دیكە.
