لە ئاهەنگی نەورۆزی ئامەدی باكووری كوردستان، پۆلیسی توركیا نزیكەی 300 كەسی دەستگیركردووە، ژمارەیەك لە بەشداربووان لێیاندراوە.
دوێنێ لە ئامەدی باكووری كوردستان ئاهەنگی ملیۆنیی نەورۆز بەڕێوەچوو، لە بەیانییەوە چالاكییەكان دەستیانپێكرد و تا شەو بەردەوام بوون، نزیكەی ملیۆن كورد بەشدارییان تێدا كرد.
پۆلیسی توركیا توندوتیژیی بەرامبەر بە كوردانی ئامەد ئەنجامدا و ڕێگری لە بەشداریی بەشێك لە كوردان كرد، ڕێگری توندوتیژییەكان بەهەمانشێوەوە بە درێژایی دوێنێ بەردەوامییان هەبووە، نەك تەنها لە ئامەد، بەڵكو لە ناوچەكانی دیكەی باكووری كوردستان و توركیاش.
ئاژانسی هەواڵی فورات نیوز بڵاویكردووەتەوە، پۆلیسی توركیا تەنها لە ئامەد بەلایەنی كەمەوە 298 كەس دەستگیركراون، كە نزیكەی 150 كەسیان منداڵ و گەنج بوون.
ئاژانسەكە بەیانی ئەمڕۆ وایبڵاوكردووەتەوە، كە تا ئێستا دەستگیركراوەكان لە بەڕێوەبەرایەتیی پۆلیسی ئامەد ڕاگیراون.
