جارێكی دیكە نرخی نەوت لە بازارەكانی جیهان بەرزبووەوە و یەك بەرمیل نەوتی خاوی برێنت بە نزیكەی 115 دۆلار مامەڵەی پێوەدەكرێت.
ئێوارەی ئەمڕۆ دووشەممە، نرخی یەك بەرمیل نەوتی خاوی برێنت لە بازارەكانی جیهان بە 114دۆلار و 9 سەنت مامەڵەی پێوەدەكرێت، یەك بەرمیل نەوتی خاوی تەكساس بە 111 دۆلار مامەڵەی پێوەدەكرێت.
بەیانی ئەمڕۆ، نرخی یەك بەرمیل نەوتی خاوی برێنت لە بازارەكانی جیهان بە 111 دۆلار مامەڵەی پێوەكراوە و نەوتی تەكساس بە 108 دۆلار.
بەرزبوونەوەی نرخی نەوت لە بازارەكانی جیهان پەیوەندی بە جەنگی ئۆكرانیا و سەپاندنی سزاكانی سەر ڕوسیا لەلایەن ئەمریكاوە هەیە.
