سندوقی دراوی نێودەوڵەتی ئاشكرایدەكات بەهۆی جەنگی ئۆكرانیاوە ئاسایشی خۆراك لە مەترسیدایە، ئەگەر دۆخەكە بەم شێوەیەی ئێستا بەردەوامبێت ئابوریی ئۆكرانیاش زیانی گەورەی بەردەكەوێت.
بەپێی هەڵسەنگاندن و ڕاپۆرتێكی سندوقی دراوی نێودەوڵەتی كە تێیدا هاتووە، بەهۆی جەنگی ئۆكرانیاوە هەڕەشە و مەترسی لەسەر ئاسایشی خۆراك لە جیهان دروستدەبێت، پێویستە بەپەلە چارەسەرێك بۆ ئەو دۆخە بدۆزرێتەوە.
سندوقی دراوی نێودەوڵەتی پێیوایە، ئاستی بەرهەمهێنانی ناوخۆیی ئۆكرانیا دابەزیوە و ئەگەر جەنگی ئۆكرانیا بەردەوامبێت ئاستی بەرهەمهێنانی ناوخۆیی لەو وڵاتە دەكەوێتە بەردەم مەترسییەكی گەورەوە.
