وەزیری دەرەوەی ئەمریكا ناوەرۆكی پەیوەندییەكی تەلەفۆنی لەگەڵ سەرۆك وەزیرانی هەرێم دەخاتەڕوو و دەڵێت، تاوتوێی یەكڕیزی كوردمان كرد.
ئەنتۆنی بلینكن، وەزیری دەرەوەی ئەمریكا لە تویتێكدا ڕایگەیاند، دوێنێ قسەم لەگەڵ مەسرور بارزانی، سەرۆك وەزیرانی هەرێمی كوردستان كرد بۆ نیشاندانی پشتیوانی بۆ هەرێمی كوردستان و ئیدانەكردنی هێرشەكەی ئەمدواییەی ئێران كە سەروەریی عێراقی پێشێلكرد.
وتیشی، “تاوتوێی یەكڕیزی كورد و پێویستی پێكهێنانی حكومەتمان كرد كە عێراقییەكان و خاكەكەی بپارێزێت”.
Spoke with Iraqi Kurdistan Region PM @masrour_barzani yesterday to show support for the Kurdistan Region and condemn the recent Iranian attack that violated Iraq’s sovereignty. We discussed Kurdish unity and the need to form a government that protects Iraqis and their territory.
— Secretary Antony Blinken (@SecBlinken) March 14, 2022
شهوى ڕابردوو بە 12 مووشەكى بالیستى هێرشكرایە سەر هەولێر، سوپای پاسدارانی ئێران-یش بەرپرسیارێتیی هێرشەكەی لە ئەستۆگرت و ڕایگەیاند، هێرشەكەیان ناوەندێكی ستراتیژیی ئیسرائیلی كردووەتە ئامانج.
دوێنێش ماتیۆ تولەر، باڵیۆزی ئەمریکا لە عێراق ڕایگەیاند، “ویلایەتە یەکگرتووەکانی ئەمریکا ئیدانەی ئەو هێرشە تاوانکارییە دەکات کە بۆ سەر ئامانجی مەدەنی لە هەولێر ئەنجامدرا”.
تولهر وتیشی، “پێکهاتەکانی سەر بە ڕژێمی ئێران بەرپرسیارێتیی ئەنجامدانی ئەم هێرشەیان گرتووەتە ئەستۆ و دەبێت ڕووبەڕووی بەرپرسیارێتی بکرێنەوە، لەبەرامبەر ئەم پێشێلکارییە زەقەی سەروەریی عێراق و هەروەها لە بەرامبەر هێرشی تیرۆرستی بۆ سەر موڵك و ماڵی کەسانی مەدەنیی بێتاوان”.
