چاڤی: “ئۆبامیانگ دیاری خودایە.. دێمبیلی-ش هەمووی بێدەنگ كرد

چاڤی هێرناندێز، ڕاهێنەری بەرشلۆنە پێیوایە بەرامبەر ئۆساسۆنا تیپەكەی باشترین ئاستی خۆی پێشكەش كردووە.

بەرشلۆنە چوار بە سفر سەركەوتنی بەسەر ئۆساسۆنا بەدەستهێنا، كە دوو گۆڵیان فیران تۆرێس كردی و دوو گۆڵەكەی تریش ئۆبامیانگ و ڕیكی پوچ تۆماریانكرد.

چاڤی جەختی لەوە كردەوە كە لەوكاتەوەی بووەتە ڕاهێنەری بەرشلۆنە، هیچ یارییەك وەك ئەوەی ئۆساسۆنا باش دەرنەكەوتون.

وتیشی: “بردنەوەكان ورەی یاریزانەكان بەرزدەكەنەوەو متمانەی زیاتریان پێدەبەخشن.”

چاڤی پێشتر باسی لەوە كردبوو فیران تۆرێس دەگەڕێتەوە بۆ تۆماركردنی گۆڵ و ستایشی ئاستی بەرزی دێمبلیشی كرد.

ڕاشیگەیاند: “ئۆبامیانگ دیارییەك بوو لە ئاسمانەوە پێیان گەیشت و دێمبلیش بەو ئاستە بەرزەی وەڵامی ڕەخنەكانی دایەوە.”