ڕۆژنامەنووسێکی فەرەنسی ئاشکرایکردووە، لیۆنێل مێسی وەرزی داهاتوو لە پاریس سان جێرمان بەردەوامدەبێت و ئیدارەی یانە ڕێگر نابێت لەڕۆیشتنی نێیمار دا سیلڤا.
جولیان ماینارد، ڕۆژنامەنووسی فەرەنسی و شارەزای بواری گواستنەوەکان ئاشکرایکردووە، وەرزی داهاتوو لیۆ مێسی چانسی ئەوەی دەبێت دووبارە تواناکانی لە خوولی فەرەنسا و خوولی یانە پاڵەوانەکان بەدرێسی پاریس سان جێرمانەوە بسەلمێنێت، لەهەمان کاتدا ئیدارەی ناسڕ خلێفی بڕیاریداوە ڕێگریی لە ڕۆیشتنی نێیماری بەرازیلی نەکات، ئەگەربێتو لەلایەن یانەیەکی گەورەوە بۆندێکی گونجاویان پێبگات.
🚨 PSG will not stand in Neymar’s way if he wanted to leave the club.
(Source: @JulienMaynard) pic.twitter.com/tzHGW3OPgz
— Transfer News Live (@DeadlineDayLive) March 13, 2022
پێشتر باس لەوەکرابوو، کە مێسی تەمەنی 34 ساڵە و لەکۆتایی وەرزدا پاریس بەجێدەهێڵێت، گەڕانەوەشی بۆ بەرشەلۆنە وەک یەکێک لە بژاردەکان ئاماژەی بۆدەکرا.
جادوگەرەکەی ئەرجەنتین تاوەکو ئێستا بەدرێسی پاریسەوە 25 یاریکردووە، حەوت گۆڵی تۆمارکردووە، 11 گۆڵی ڕەخساندووە.
