ئاژانسی هەواڵی سعودی رایگەیاند، وەزارەتی ناوخۆ دەستیکردووە بە جێبەجێکردنی رێکارەکانی لێبوردنی ئەو زیندانیانەی کە بە یاسای گشتی سزادراون بۆ ئەوەی بە بۆنەی مانگی رەمەزانەوە بگەڕێنەوە ناو خێزانەکانیان.
ئەو ئاژانسە فەرمییە ئاماژەی بەوەشکردووە، وەزارەتی ناوخۆ دەستیکردووە بە جێبەجێکردنی رێکارەکانی لێخۆشبوون لەو زیندانییانەی کە بە یاسای گشتی سزادراون بەپێی بڕیارێکی تایبەت.
لەو بارەیەوە عەبدولعەزیز بن سعود، وەزیری ناوخۆی سعودیە لە لێدوانێکیدا جەختلەوە دەکاتەوە، “ئەو بڕیارە کاریگەری بەهێزی لەسەر ئەو کەسانەی دەبێت کە بڕیارەکە دەیانگرێتەوە دوای ئەوەی ئازاددەکرێن و بە خێزانەکانیان شاد دەبنەوە”.
