وتەبێژی كۆشكی سپی ڕایگەیاند، تائێستا چەكی بایۆلۆجی و كیمیایی لە ئۆكرانیا بەكارنەهێنراون. دەشڵێت، ئەمریكا هەرگیز نەوت لە ڤەنزوێلا ناكڕێت.
جین ساكی، وتەبێژی كۆشكی سپیی ئەمریكا ڕایگەیاند، ڕوسیا ئەزموونی لە بەكارهێنانی چەكی كیمیایی و بایۆلۆجیدا هەیە كە ئۆكرانیاش تۆمەتباردەكرێت بە بەكارهێنانی چەكی بایۆلۆجی، بەڵام تائێستا بەرنامەی چەكی بایۆلۆجی نییە و چەكی لەو جۆرە بەكارنەهێنراون.
ساكی باسی لەوە كرد، “ئەمریكا هیچ بەرنامەیەكی نییە نەوت لە ڤەنزوێلاوە هاوردەبكات و پێشنیازی لەو شێوەیە نەكراوە”.
وتەبێژی كۆشكی سپی ئاماژەی بەوە كرد، “جۆ بایدن ستایشی هەوڵەكانی توركیای كردووە بۆ دەستپێكردنی دانوستاندن لەنێوان ڕوسیا و ئۆكرانیادا”.
ئەمڕۆ پێنجشەممە وەزیرانی دەرەوەی توركیا، ڕوسیا و ئۆكرانیا لە ئەنتاڵیای توركیا كۆبوونەوە و جەنگی ڕوسیا و ئۆكرانیایان تاوتوێكرد.
